Hvað má ég ekki borða með spangir?

 Nammi - sérstaklega ekki hart nammi og einnig það sem festist í tönnum, t.d. karamellur, kúlur, hlaup og þess háttar.  Með því að minnka nammi át á meðan á meðferð stendur eru meiri líkur á því að tennur og tannhold haldist heilbrigðar alla meðferðina.

 

Alls ekki bíta í sleikjó eða brjóstsykursmola.

 

Ekki bryðja ísmola.

 

Tyggjó má nota í hófi, forðastu þó að nota tyggjó í upphafi meðferðar.

 

Ekki bíta í hart grænmeti eða ávexti með framtönnunum, t.d. gulrætur, rófur og epli. Skerðu frekar í smærri bita og tyggðu með jöxlunum.

 

Hnetur og poppkorn geta líka skemmt spangirnar.

 

Harðar pizzabrúnir eða brauðskorpur og kex geta skemmt spangir og losað frá tönnum.


Ekki naga eða bíta í blýanta, penna eða annað sem er hart. Ekki fikta í spöngunum með fingrunum.


Með því að forðast allt þetta eru minni líkur á því að spangirnar brotni og vírarnir aflagist og þ.a.l. minni þörf á kostnaðarsömum viðgerðum. Einnig eru meiri líkur á að tennur og tannhold haldist heilbrigt alla meðferðina ef minna er borðað af sælgæti.