Tannréttingaskinnur

Tannréttingaskinnur rétta tannskekkjur með glærum tannréttingaskinnum (gómum) án þess að þörf sé á að setja spangir á tennurnar.

Tannréttingaskinnur verða sífellt vinsælli kostur. Við höfum starfað með kerfi eins og Invisalign, Clear Correct og Ordoline frá árinu 2007.

Kostir

Tannréttingaskinnur eru sérsmíðaðar "ósýnilegar" skinnur sem skipt er út vikulega eða á 10 daga fresti.
Þær eru þægilegar í notkun og auðvelt er að halda tönnum hreinum.
Engar óþægilegar máttökur, lág bilanatíðni og engar brotnar spangir.

Hentar vel fyrir unglinga og fullorðna sem vilja bæta brosið!

Frekari upplýsingar á

Komdu í fyrstu skoðun til að meta og mæla tann- og bitskekkju og ræðum möguleika á að bæta útlit tanna.

Ef farið er í tannréttingameðferð, verða teknar myndir, ljósmyndir, 3D módel og stafræn gögn af tönnum og andlitsfalli.
Gögnin eru send erlendis og meðferðarplan er unnið í samvinnu við tannréttingasérfræðing.
Meðferð með tannréttingarskinnum hefst að nokkrum vikum liðnum.

Til að ná árangri þarf að nota skinnurnar 22 klukkustundir á sólarhring. Aðeins skal fjarlægja skinnur við tannburstun og á matmálstímum.

Tannréttingameðferð með skinnum lýkur yfirleitt með stoðbogum aftan á framtönnum og stundum með glærum gómum til notkunar á næturnar.

Kostnaður við meðferð er á bilinu 300 til 1.200 þúsund krónur, eftir umfangi.