Kostnaður og styrkur til tannréttinga

Kostnaður við tannréttingameðferð er breytilegur og fer eftir umfangi hennar.
Dæmi um kostnað:

  • Forréttingar með gómum, beisli, eða lausum tækjum ýmiskonar - 150-400 þús.
  • Tannréttingameðferð með föstum tækjum (spöngum) á báða góma - 700-1100 þús.
  • Tannréttingameðferð með föstum tækjum (spöngum) í annan góminn - 400-600 þús. 
  • Meðferð með glærum skinnum, "ósýnilegar tannréttingar", Invisalign o.þ.h. - 500 - 900 þús.

Greiðslumöguleikar 
Staðgreiðsla - greiðsla er innt af hendi eftir hverja einstaka heimsókn.  Einnig er hægt að fá greiðsluseðil og birtist krafan þá í heimabanka viðkomandi með eindaga 15-30 dögum seinna.
Skipta greiðslum - skipta má greiðslu vegna upphafsgagna/uppsetningu tækja/brottnámi tækja í jafnar greiðslur, eða 30 þús á mánuði með greiðsluseðlum.  Einnig er hægt að nota þessa leið í þeim tilfellum þar sem Sjúkratryggingar taka ekki þátt í kostnaði eins og við gómplötu og beislismeðferðir.

Sjúkratryggingar Íslands greiða hluta kostnaðar við tannréttingar. 
Starfsfólk stofunnar sér um að fylla út rafræna umsókn um styrk til Sjúkratrygginga.

Eftirfarandi texta má finna á heimasíðu Sjúkratrygginga:
"Sjúkratryggingar Íslands veita styrk að upphæð 100.000 kr. vegna meðferðar tannréttinga sem krefjast spanga á tennur annars gómsins en 150.000 þurfi spangir á báða gómana.  Er þá átt við tannréttingarmeðferð með föstum spöngum á a.m.k. 10 fullorðinstennur hvors góms.  Meðferð með spöngum verður að hefjast fyrir 21 árs aldur.  Aðeins er greitt til þeirra sem hafa ekki áður fengið styrk vegna tannréttinga"
- reglugerð nr. 1058/2009

Ef um alvarlegri tilvik er að ræða þá greiða Sjúkratryggingar Íslands 95% af þeim kostnaði sem hlýst af meðferð hjá tannréttingasérfræðingi.  Þetta eru t.d. tilfelli þar sem um klofin góm er að ræða, meðfædd tannvöntun er á a.m.k. fjórum fullorðinstönnum, eða í ákveðnum tilfellum þegar skurðaðgerð þarf til leiðréttingar á biti.
- reglugerð 190/2010

Smellið hér til að skoða upplýsingasíðu Sjúkratrygginga Íslands um tannréttingar

Sjúkratryggingar taka ekki þátt í forréttingum á neinn hátt.  Til forréttinga teljast m.a. meðferðir sem eru framkvæmdar áður en allar fullorðinstennur eru komnar í munn - ýmsir gómar, beisli, o.þ.h.

Vefumsjón